كل ما في الأمر باعولي تذاكري مخلصهم عندي 8 شهور قدّام عيني: أنا و مرتي و صغاري جايين من بعيد و يعلم بينا كان ربّي. 
منذ شهر جانفي 2019، قصّيت تذاكر العودة لي و لزوجتي و أولادي الزوز إلى بروكسال بتاريخ 17 أوت... وقت الvol اليوم: العاشرة و الربع صباحا... الساعة الثامنة كنت في المطار أنا و العايلة... وصلت للشباك للقيام بعملية التسجيل، مدّيت الباسبورات للآنسة اللي تخدم في الguichet... جا le chef d’escale اسمو قيس خذا الباسبورات و مشى بيهم لبعيد، قال لي لحظة هاني جاي... قعدنا على جنب، و تعدّاو العباد اللي ورايا قامو بالتسجيل و مشاو على رواحهم. 
بعد فترة، مشيت إلّوج على قيس باش يعطيني باسبوراتي، عطاهملي و كي رجعت قالولي الطيارة complet! 
يا عباد، كيفاش complet ياخي لواج و إلا طيارة؟ أنا و أفراد عايلتي ما ركبناش فيها و بلايصنا خالصة من جانفي!!! 
كل ما في الأمر أن قيس باع بلايصنا لجماعة في liste d’attente و قبض عمولته... و نحن خسرو علينا باش نعملولكم reservation في أوتيل و تمشيو غدوة... شكون باش يخلص الإقامة لأربعة أشخاص في الأوتيل؟ التونيسار.

شكون باش يخلص التاكسي ذهابا و إيابا؟ التونيسار. شكون باش يخلص الفطور و العشاء لأربعة أشخاص؟ التونيسار.... شكون باش يخلص السمعة الخايبة الفاسدة القذرة للمرفق العمومي؟ التونيسار...

هذا الكل باش قيس يقبض في جيبو 100 و إلّا 200 دينار... و يغيب عن الأنظار... عملتلهم فضيحة في المطار، و قيس هرب جملة من مسرح الجريمة... 
مرتي جات تصوّر اعتداو عليها و فكّولها تلفونها و نحّاو الفيديو...
ثمّة مرا أخرى ريتها تصوّر إن شاء الله تهبّط الفيديو و تفضحهم. 
مشيت قدّمت بيهم شكاية، و عندي شهود كيفاش قيس خذالي الباسبورات و تخبّى بيهم باش عباد أخرى تاخذ بلايصنا... باش سي قيس يحط مصروف في جيبو و يخسّر التونيسار برشة فلوس و نتمرمد أنا و صغاري و مرتي. 
نحن تو في أوتيل، عطاوني تذاكر لغدوة... ممكن ياسر نحن غدوة باش نغورو على تذاكر عباد قاصّة و مخلصة و أمورها واضحة... و مرحبا بيكم في الغزالة"..